كيفاش دايرة حياتهم العائلية …..واش مرتبطين او لا ….فين وصلوا في قراية….اشنو طبيعة عملهم….شحال كيشدو في شهر ….منين كيجيبو فلوس….علاش هما حازقين …علاش ما خووش المغرب …افكارهم معتقداتهم….لبسهم اذواقهم….
رأيك في حياة ناس أحتفظ به راسك….ملاحظاتك انتقاذتك على حياتهم ممكن يخدوها بحساسية تقدر تجرحهم….علاش ما تزوجتيش الله لي عالم علاش….علاش تزوجتي ما ولدتيش الله لي بيده الامر ربما هو ما باغيش اصلا الانجاب …
مازال مسكين ما خدم ….ديك مسكين حتفظ بها راسك…حيث الاغلبية كيقولها للتشفي ماشي لتعاطف….مازال ما خرجتي برة …الى كان الانسان غبي وقال ليكم على شي رغبة ديالو يا اما باغي يخرج من لبلاد …او باغي يدير شي مشروع او تجارة….دازت مدة ما دار والو…ما تبقوش تسولوه …راه كيكون هو عالم به غا الله شوف اش واقع ليه في حياتو اش من عكس صعوبات خرجو ليه من جنب….من كتسولو انت فحال لا كتخشي ليه موس في صدرو …مع مغاربة تبارك الله قلب طيب و عفوي …كيتعمدو يخشو لك داك موس في صدرك…يتبعوها بعبارة مسكين ما عندو زهر…
بنت ما تزوجاتش قلبو عليها اش بغيتو عندها …كل مرة كتنغصو ليها حياتها بسؤالكم ….كتحسسوها انها سلعة غادي تبريما و تفوت تاريخ صلاحية….تعلمو تسدو فامكم …ما تسولوش فشي حاجة لا تعنيكم …
تعلمو تحاربو مع مرض و خبث لي فيكم …حيث من كتسولو راه 90 في مئة كتسول غا باش تمرضك و تنغص لك حياتك …تفكرك فشي حاجة مجرد تفكير فيها كضرك…كل واحد الله اعلم بظروف حياة ديالو …زيدون نتوما مالكم اش ضركم …
براكة ما تجو زعمة زيارة للعائلة …تخلي داك شاب او شابة تا كيريح معاكم من باب صواب…تلوح ليه قدام باه و مو …امتى تخد طومبيل تجيب عندنا حاجة و حاج يفوجو ….علاش هذا شر علاش…نتوما عارفين راه مقودة عليه او خدام على قد حال ….او تحشوه للبنت قدام مها و باها اوا شتي بنتي اسماء خدات بارطما راه غا كريها كدخل ليها 4000 درهم …نتوما عارفين انه ديك بنت قدام باها مها كتحرج …يالله كتقسم معاهم صالير هاز عائلتها…بينما بنتكم اسماء خدامة ليل ونهار …راكم فاهمين …
باركا ما تجو تفطحو على والدينا بأشنو دارو ليكم ولادكم و بناتكم …حقة خرجنا مراكش…اه حقة صيفطونا عمرة …اه حقة بنتي الله يرضي عليها شرات لينا كليما …اه حقة ولدي قال ليا دوز بيرمي نشري لك طومبيل صغيرة…
علاش كتغبو تححسو ناس بأنهم ضعاف انا ولادهم بناتهم فاشلين….علاش كتخلو بنت او ولد مسكين من شدة قهرة …ما كيقدش يهز عينو في الام ديالو ديك اللحظة وسط عائلة …في خاطرو كيقول :
سمح ليا ميمتي الله غالب …ما خرجتك ما تساريت بيك…ما شريت لك …ما صفطك حج….
علاش حنا خبث سم كيجري لينا في هدرة في دم…خاصنا امتى نحشوها بنادم…وسط اتاي و حلوة …انت راك قتلتيه بسؤالك و هدرتك …في الاخير كتسرح ليه ديك …دابا يحن الله كلشي عند الله قريب ….كلشي عند الله قريب هي كنت سكتي من الاول حسبتها قبل ما تنطقها …
تعلموا تكونوا لطفاء رحماء في هدرتكم….شي حاجة بعيدة عليا تتعلق بحياة شخصية من سولش عليها …حيث تقدر بسؤالك تسبب ضرر كبير ليه…شحال من ام مسكينة غا خرجو ضياف جمعت طابلة دخلت كوزينا دموع في عينيها كتبكي كتقول ولادي مساكن مدارو والو في حياتهم….شحال من اب غا خرجو ضياف هز بلغتو و خرج دايخ مهموم و دموع في عين …كيقول ما درت والو لولادي كرفستهم معايا …
كنت ديما معجب بيه …وخا عندي گوارديولا هو طوب…لكن سبيشال وان عندو مكانة ديالو….انسان خلق للتحدي …انسان كيبغي يربح ….كيأمن بفريق ماشي بنجم…
تعذب بزززاف باش بثبت للعالم انه مدرب ليس مجرد مترجم كيدوي 5 لغات كان ديما في ظل مدربين كبار …خلق حوله هالة ديال سحر و جاذبية …رجع من لعابة مغمورين نجوم…
انسان عندو نظرة ديال للعبة …للحياة….وخا يكون غالط …عمرك تسمعها منو….كيتحمل مسؤولية ديالو …وخا يعرف يمشي فحالو….لكن باش يقول لك انا غالط …واش انا مسطي …انا راه جوزيه سبيسل وان …
في هذا فيلم …بينو ان مورينو رغم انجازات كلها …بقى ليه تدريب برشلونة غصة في حلقو حيث هذاك كان حلم ديالو …هو كيعتبرهم سرقو منو هذا حلم هو في عز قمة ديال عطاء ديالو…لي كان سبب هو كرييف لي صافي تا كلشي تافق على جوزيه بما فيهم لابورطا…
دخل كرييف قال لبورطا انا عندي بديل افضل …ما توقعش مع جوزيه ….وقع مع بيب گوارديولا راه قام بعمل كبير في لماصيا…
مورينهو يعتبر انه سرقو منو تدريب برشلونة ديك ليلة…خصوصا انه دوز سنوات في برصا …عندو تصريح شهير هو مساعد مدرب مني ربحو كوبا دي ري ..في ساحة جماهير كتحتفل في برشلونة شد ميكرو :
قال ليهم ما رأيكم لو اصبحت مدربا للبرشلونة اعدكم انه سنلتقي هنا ليس للاحتفال بكأس ملك بل بعصبة الابطال ..
هنا سؤال مطروح رغم نجاح باهر ديال گوارديولا مع برصا احراز جوج القاب عصبة ابطال …رغم ذلك و بمستوى كبير لي كان عندنا برصا كان خاص تكون ربحت كثر من جوج بديك تشكيلة لي كانت في قمة عطاء…واش لو كان جوزيه ما كانش ممكن مثلا تكون برصا اكثر براگمتيك تربح گاع القاب ديال ديك حقبة …مجرد سؤال …
الكريان عن بكرة ابيه خرج يطفي عافية ….شوف على عذاب على قوادة عاشيين فيها…هو الامر راه عادي فقت ناكح دخل دوش…لا حنا خاص تخبى تسلت دير افلام و خطط سينوريهات…عذاب يا دين مكم…كون غا كنت ناكح …انت راك غا ناكحك وحدة في حلم …
تلاقينا من ورا فطور انا شبكشي ميتتتين بضحك…… على عذاب ديال حياة في مغرب …قلت ليه كنت تحرگ كريان أ زمر …قال ليا هانية …قلت ليه كيفاش هانية…قال ليا واش عرفتي شكون نكحت في حلم…قلت ليه لا …قال ليا : lena paul…غا يتحرگ دين مو الكاريان و تا غابة الامازون و الغابات الاستوائية ….
ا أباء و أمهات مستقبل الله يرحم لكم والدين ما تعيشوش ولادكم بناتكم الجحيم و العذاب لي عشناه…قربو منهم شرحو ليهم انه جسم يتغير انه توقع امور طبيعية…نوض اولد دوش …دوش ا بنت…اصلا لو علمنا اطفالنا دوش كل صباح…ما يكونش گاع اصلا هذا احراج ….
جهة گراج علال كنت تقديت سلعة لي نهز معايا لفاس غدا ان شاء الله ….جمعت كلشي بارفان شديت طاكسي مع شعب راجع فحالي ..
اوا مع زحام روينة …طريقة عامرة boom …في اتجاه معاكس واحد سيارة من نوع ( فلوسلفاگن توارگ ) موديل جديد سيگها واحد سيدة هربت غا شويا على طريبورطور كان يجر ليها جناب كامل…
شوف دين مهم هذا عيالات غا هما لي عطاتهم وقت في هذا بلاد كحلة هما لي دارو لباس ركبو على طومبيلات دارو مشاريع …. تلقاه وخدها ليها غا شي زلال ديالها او شي رجلها …يا نعل دين هذا لي كيعطي عيالات بيرمي….خونا عندو حقد دفين على عيالات….كانو خاصو غا سبة …
هذا نوع منتشر بزززاف في مجتمعنا …اي بنت اي سيدة راكبة على حديدة مزيانة…ساكنة في بلاصة مزيانة …عايش luxe….راه قحبة إذ لم يثبت ذلك خاص تحوم حولها شكوك….هذا هو منطق بعض شباب في مغرب…
انا ضربت على سيدة لي في توارگ…تا مول طاكسي ضرب عليها….سيدة باين طبيبة حيث معلقة ماكرون في زاجة …حيث عندهم حق كأطباء يعلقو ماكرون…
هو يدخل مول طاكسي عجبني تدخل ديالو …قال ليه أ ولدي :
راه حنا لي ما قريناش قدها…سيدة راه طبيبة …واش بغيتها تركب معنا في طاكسي…تا نكونو قرينا قدها سهرنا ليالي كنحفو عينينا في كتب و مراجع قدها …ديك ساعة دوي ..
مستحيل كلشي يحبك يبغي لك الخير …ضروري تتلقى بعض نفوس الخبيثة و المريضة …لكن يكون من الغباء الى كانو في حياتك 100 ناس…99 في مئة كيبغوك لله في لله هاكك … بلا زواق بلا نفاق …كتبقى واحد في مئة اشرار فيهم الخبث و الغل غا هاكك اتجاهك وخا انت ما ضرتهم في وااو اصلا ما كتعرفهم ما كيعرفوك …في هذا سياق نعود ليكم واحد بلان وقع ليوم
واحد سيد X …ماشي صديق عندي ما كنعرفو ما كيعرفني عمر جمعنا مسانجر …يعني واحد داير لك أبوني …هذا سيد مرة مرة كيعلق ناذرا …تعاليق سلبية فيه ريحة سم و حسد و شر …غير ما مرة دراري دريات خرجو فيه طول عرض …انا طبعي كنقلب ستة تسعود…
يوم كنكتشف من واحد صديق ديالي بعد ما شاف خونا علق البارح على طلعة ديال شيباني في اكادير تعليق طبعا كل سم …قالت ليا واش تعرف هذا سيد لي علق لك قلت ليها لا …ما بيني بينو والو…قال ليا راه شحال هذه كنت علقت لك في منشور على مرض الام ديالك …
دخل عندي هذا خونا للخاص قال ليا عنداك تيقو راه الام ديالو ما مريضة بسرطان ما والو …غا متافق معها باش يبيعو برفان….قال ليا صبنتو قلت ليه نعلة الله و عليك يا الخبيث بلوكيت القرد…
دابا تخيلو أ شباب شر الانسان فين كيوصل بيه لحد…غا حيث هو نكرة عايش على هامش…ما قدرش يكون انسان زوين و مقبول…شوف اش قالت ليه نفسو الامارة بالسوء…تلقاه دخل عند عشرات إنبوكس ما كيعرفهمش غا شافهم كيتفاعلو معايا بكل وقاحة كيحط باطل و زور …
هذا نماذج من ديما كانو في حياتنا …من ديما يكون…عايشين في ظلام …غالبا من صحاب نظرية ” ما كنحملوش غا هاكك كنكرهو ..” مع انت ما مسوقش كيزيد داك مرض ديالهم كيكبر داخلهم…فحال هذا خونا …هذا نوع ممكن يحضيك تا تريح في قهوة…يخليك تا تنوض تدوي في تليفون او طواليط يلوح لك شي لعبة في كأس…دون تأنيب ضمير …
كنت كنسمع فحال هذا قصص ما كنتش كنصدق….لكن من يوم نبدا نصدق ….هذا شر مجاني متجدر في بعض ناس …رغم ذلك مكانهم الجحيم اللامبالاة …انا لي كيهمني ناس لي كيبغوني كنبغيهم…ناس لي وخا كنتخلف معاهم كنقود سوايع كريح من بعد قلب صافي…
اما هذا الاشباح و مخلوقات ظلامية…ما يوقفوش لينا الحياة….نخلوهم سمهم يقتلهم…كان ممكن ندعي دعوة ظالم مستجابة….بأنك تصاب بسرطان او مك او باك او ولدك …لكن علاش نخلي شر يطغى …ندعي بحاجة واحدة الله يبعد طريقنا من طريق هذا الاشرار….قولو امين …
ولا عندهم الاكتئاب طوندونس زعمة ( أ لامود ) لي حازق او تخاصم مع صحبتو كيقول لك انا كنعيش حالة اكتئاب …
ولا بنادم هو كيدير جلسات استماع كيقوم بخدمة طبيب كيشخص حالة ديالو انه اكتئاب ….ولتي فيما دور كتلقى مع جوج تا عشرة منشورات يوميا كيقول لك صاحبها انه مكتئب …منين وصل لهذا خلاصة ما نعرف….
هذا شي شباب ما فيهش ضحك ما فيهش حقة بان لك بنادم كاتب مكتئب راه مكتئب …تا انا مكتئب …تا ولاا اكتئاب عندنا فحال لا غا حرقة معدة ….لا لا لا أ دراري دريات …كاين لي ولا داير هذا العيت غا دخلة لجقير الاهتمام تحرك عندو دعوة في مسانجر…يالله صافي هاكا ها نودز غا ضحك …و صافي ضحك
باش توصل اكتئاب راك على حافة انهيار كإنسان الاكتئاب ما يعرفو غا طبيب يشخصو غا انسان فنى عمرو في علم نفس و تحليل ….مرض ما تبغيه لا لصديق لا لعدو …راه ناس ماتت ناس انتحرت ناس فقدت شغف بالحياة…
خلونا من سطوريات مع مزيكا تركية حزينة …منشورات ديال ورا 12 ليل ….اكتئاب مقود بززززاف …لي عاشو شاف طبيب تبع علاج هو لي يكون عارف اشنو ديك تجربة…
اذن براكة ما توهمو كركم راه عندكم اكتئاب ….حيث اكتئاب فحال سرطان تقدار تعيش بيه انت ما حاسش گاع …فقط كشف ديال مختص هو لي كيوصل ليه…ماشي منشور فيه تعليقات و الله تا انا بحالك مكتائب …فيقو معنا راكم شباب زعمة و واعي …
لي بغا يصدع كرو بالقرايا خصوصا في مجال مسرح تمثيل …
سير ضبر لك على شي كونط فيه 500 ألف بشر…بقا تلوح شي لعيبات سطوريات تلصق صحاب مليون لفوق يطاگوك في سطوري….خسر مرة مرة شي 10 دولار سبونسوغزي…
ها دعوة غادي تگعد…اما لا كنت تجيد فن تمخشيش…و لي تلاقيتي معاه تقول ليه واااو مقود….كونصيبط واعر درتي …وخا يكون خرية گول ليه مقود…ضحك تا تبان ضرسة عقل….
كون اكيد رمضان جاي لقاوك فشي سيت كوم ….اما لا كنت بنت عليك بتصاور نهدين مؤخرة….مرة مرة لوحي شي سطوري كتعيري شي صحبتك في حرفة ديال انستغرام…يا سلام لا كان صوتك مقبول…
غا سيري فتحي كونط جديد فين يدوز ليك كلشي ديال مسلسل رمضان…
ناس لي تجي تصدع لينا كرنا بالرداءة و الاعمال باسلة…و كاميرا مفروشة….صافي الله يجعل براكة …قلبو ستة تسعود….راه سنوات حنا كنعود نفس الهدرة…تا هذا عام راه نفس ستون هو لي كاين…
فيلم رمضان كامل بريكول ….كتمعش فيه قضية…الله يسر على جميع….غا هو ما يجي تا حد تا وحدة تلعب فيها يلعب فيها فنان فنانة…هنونا شوية ..قولو حنا كنضبرو على راسنا …هانية اما باش تلعب ليا فيها سطار …دور قود راه حنا ماشي ابوني ديال انستغرام…
” لا تغادر الموقف، أي موقف، قبل أن تقول فيه كل شيء ترغب بقوله…”
فعلا الى تعمقتي في هذا قولة تلقى فيها كثير من الصواب …بل الى كانت عندك غا شوية شجاعة درتي ليها اسقاط على مواقف في حياتك…تلقى فعلا ان سواد الاعظم ديال قوادة سببها انك :
بقيتي غا كتنقز من موقف لموقف …دون تذبر و تأمل انت راك غادي في الخسران أ حمادي …كتكذب على راسك راه هذا شي ما بقاش يتعود…انه صلح خير …الله يسامح …اش دير نصبر ….كتبقى كتجر في علاقة مع صحابك او صحبتك مع اصدقاء مع عائلة …علاقة دين مها خلقت ميتة من الاول ديالها …
انت راه كتبان لك غادين تخرجو في الحيط مباشرة…حياة كتعطيك فرصة تحط نقط على حروف تفرگع في وجه بنادم ( فاص – فاص ) تقول ليه اجي ريحو في طابلة …ارا ليا دوك ملفات ناقشوهم نشوفو فين كاين خلل…فين كاين ثقابي …علاش ديما كنرجعو نقطة صفر…اجي فاش ضارك انا اشنو فيا لي خايب….سالتي اجي نقول لك اشنو مقود فيك….
تفرگع رمانة …يا اما تصفى لخواطر نكملو على اسس صحيحة نية سليمة صادقة …يا إما يبان لينا بجوج بالملموس مما لا يدعو لشك…اه ما صالحينش لبعضنا…غاديين في خراب و دمار نفسي ..الله الله يعون بكل ود و احترام..
للاسف هذا مواجهة الاغلبية كييتهرب منها …تا كيلقى راسو الانسان ضرب 20 عام في علاقة اصلا من الاول غالطة…عندو ولاد صافي غرق ديال بصح….كتولي حياة غا دافع كروسة و صابر …اما متعة حلاوة حياة مفقودة تماما ….
كاين لي غا مع صحابو عايش سنين ستريت مقود ما جاه تل رباح منهم بالعكس داير PAUSE …راجع مارشريار …لي بغا يدرها كيقول ليه تكمش أ زمر طفروه تا لي قبل منك ..ديما كيبغي يتفرگع عليهم…كيغمق على راسو بالعشرة و الطعام و الملح و كسكسو و دنجال و حوت كواري …
المواجهة في المواقف شجاعة…و دليل على انك باغي ديك علاقة تكبر تعمق تمشي بعيد…الهروب خطاب ديال صافي هانية ما هو الا جبن خوف حيث في كرشك عجينة خايف تكون انت لي غالط في حق داك الانسان…
حنا جيل تربى على سياسة الهروب الى الامام…كنجمعو مشكل على موووشكل …على موشكل…على موشكل. ..كنقولو راه وقت زمان كفيل يصلح كلشي…لكن حقيقة انه مشاكل في حياتنا لا تخضع لقانون تقادم…بل كتبقى تجمع علينا تا شي نهار كيطيح علينا داك صندوق على راسنا ممكن يقتلنا گاع ….صندوق لي كنا كنجمعو فيه مشاكل لي هربنا منهم…للاسف كاين گاع لي كيخليهم ورث لولادو و بناتو …